DARLONG PATHIAN HNAM THLANG
By- Pu. Zatuapuia Chonnel
Darlong , Pathian hnam thlang ei chang, Kristian a inpum, Pathian nei hnam eiin ti a, a dika. Changrochu, Pathian nei hnam nih Pathian hnam thlang hei om dân nih om dân ding chu I angka maw? Ti hi ei ngaitua phâk naw in ân lang.
Kristian Diamond Jubilee ei hmang zoia, Centenary (Kum 100 na) ei kâi na ding a sawt ta nawh. Ei unâi Ranglong nih Chorei hei chun nu nih pa ah an nê ngai in, anni ngaisâng a. Changrochu, ei ngîr hmun en chun, mi hei ni hawi dingin inzak om fê a chang. Bible in (Heb. 5:12) ah A hun ngaitua chun zirtirtu chang na khop hial a chang tâk a. Pathian thubul A, AW, B hei chu lân zirtir nin la ngai vu zawka, a ti angkan, vawn ari hin , Pathian hnam thlang, Kristian a inpum tak, Pathian nei hnam heiin a hnam huapin Pathianni (Sunday) in FOOTBALL ei lân dâi a, ei la hlim êm êm a. Bible in ( Philipi 1:27) a I I hom chang rise, nin om dân chu Krista chanchin țha rêk loiin hmephot rise a ti nghâl a. Ân dâi hei (Players) hom a tam tianga chu Zû in nih Pathian ni inser loi an chang.
Lal Saula chu Israel hei Lal dinga Pathian in a ruat chu a thupêk angkan a awm naw leiin poi ati fê a ( Samuel 15:35) Zawlnei hmanga Pathian in thu a pêk chu a zawm naw leiin a LAL changna chu a pai pêk a, Pathian in khawhri a tir a, LAL saula chu an tlawk tir țhin a (1 Samuel 18:10). Chunkadên chun eini Darlong hei hom Pathian hnam thlang intî vûkan , Pathian thu angka om loiin mâni ngaidân nih țha ti dân in ei om zawk leiin ei hnam laia buaina nih ințhenna a tlunga , YDA nih YMA, hnam pom nih pom loi, khua khatka tia v.c 2 (inhnika) omin eilaiah indoina a tlung a chang. Pathian hnam thlang inti vûkan, Pathian thu buaipui hnêk in, Pathian ditloi dân in lalna , thuneina hei umin, Krista chanchin țha rêka inhme loi nih a thupêk angka ei om naw leiin Darlong hnam in khawhri/ hringhri (sen/ngoi) thu ei buaipuia, tual ari in ei loi that pui ta a chang hi.
Lal Saula chu Lal-ah a ruatpu, ân thlang pu chun ân Lal-na a pai pêk angkan Hnam a nên thlang pu chun Pathian hnam thlang ei changna hi ane paithla thei a chang ti hi loi hawi rei. Lal Isua’n theichâng kung a ra om dingin a ringa, a ra a hmu naw leiin ; vâni / țongsia ân phur a (Mat. 21:18-19) a thi angkan, ei Darlong hnam a hin Ra țha Lalpan a hmu naw chun vâni /țongsia phurin om pal hrawi ei tih ti hi inlâi a om a chang. In ngaitua an hun ta.
By- Pu. Zatuapuia Chonnel
Darlong , Pathian hnam thlang ei chang, Kristian a inpum, Pathian nei hnam eiin ti a, a dika. Changrochu, Pathian nei hnam nih Pathian hnam thlang hei om dân nih om dân ding chu I angka maw? Ti hi ei ngaitua phâk naw in ân lang.
Kristian Diamond Jubilee ei hmang zoia, Centenary (Kum 100 na) ei kâi na ding a sawt ta nawh. Ei unâi Ranglong nih Chorei hei chun nu nih pa ah an nê ngai in, anni ngaisâng a. Changrochu, ei ngîr hmun en chun, mi hei ni hawi dingin inzak om fê a chang. Bible in (Heb. 5:12) ah A hun ngaitua chun zirtirtu chang na khop hial a chang tâk a. Pathian thubul A, AW, B hei chu lân zirtir nin la ngai vu zawka, a ti angkan, vawn ari hin , Pathian hnam thlang, Kristian a inpum tak, Pathian nei hnam heiin a hnam huapin Pathianni (Sunday) in FOOTBALL ei lân dâi a, ei la hlim êm êm a. Bible in ( Philipi 1:27) a I I hom chang rise, nin om dân chu Krista chanchin țha rêk loiin hmephot rise a ti nghâl a. Ân dâi hei (Players) hom a tam tianga chu Zû in nih Pathian ni inser loi an chang.
Lal Saula chu Israel hei Lal dinga Pathian in a ruat chu a thupêk angkan a awm naw leiin poi ati fê a ( Samuel 15:35) Zawlnei hmanga Pathian in thu a pêk chu a zawm naw leiin a LAL changna chu a pai pêk a, Pathian in khawhri a tir a, LAL saula chu an tlawk tir țhin a (1 Samuel 18:10). Chunkadên chun eini Darlong hei hom Pathian hnam thlang intî vûkan , Pathian thu angka om loiin mâni ngaidân nih țha ti dân in ei om zawk leiin ei hnam laia buaina nih ințhenna a tlunga , YDA nih YMA, hnam pom nih pom loi, khua khatka tia v.c 2 (inhnika) omin eilaiah indoina a tlung a chang. Pathian hnam thlang inti vûkan, Pathian thu buaipui hnêk in, Pathian ditloi dân in lalna , thuneina hei umin, Krista chanchin țha rêka inhme loi nih a thupêk angka ei om naw leiin Darlong hnam in khawhri/ hringhri (sen/ngoi) thu ei buaipuia, tual ari in ei loi that pui ta a chang hi.
Lal Saula chu Lal-ah a ruatpu, ân thlang pu chun ân Lal-na a pai pêk angkan Hnam a nên thlang pu chun Pathian hnam thlang ei changna hi ane paithla thei a chang ti hi loi hawi rei. Lal Isua’n theichâng kung a ra om dingin a ringa, a ra a hmu naw leiin ; vâni / țongsia ân phur a (Mat. 21:18-19) a thi angkan, ei Darlong hnam a hin Ra țha Lalpan a hmu naw chun vâni /țongsia phurin om pal hrawi ei tih ti hi inlâi a om a chang. In ngaitua an hun ta.
No comments:
Post a Comment